作为一个皇家马德里球迷，西甲时间偏向美洲市场，所以半夜起身睇波系家常便饭；但十年後嘅我发现，真系好难起身……特别系冬天。最近皇马变得好多场都踢香港时间凌晨3或4点，呢季开始我已经极少准时起身睇波，好彩依家手提有重播功能。

其实我明白西班牙夏天好热，特别马德里系内陆更加热，要球员踢早场真系好辛苦。隐约记得，以前都仲有香港时间10点或12点场，依家皇马比赛已经好少见。仲记得，前季真系好夜先开波，连却奥斯都出post 话「正常我已经瞓咗」。

前几日见到皇马喺国际赛周之後4场都系3点，同球迷倾开计发现为咗身体同份工着想，大家都开始忍痛放弃3或4点场，因为睇完波5或6点瞓返又唔系，唔瞓又成日唔冇精神；而我同部份球迷更开始喺起身时熄晒所有手提电话通知，返工途中睇返playback。可能你会觉得冇即时睇咁开心，但唔知赛果嘅情况下，都其实几紧张。不过有时都会俾人「剧透」，例如欧洲国家盃期间：有次搭车时见到球迷着一件旧英格兰波衫出嚟......就知唔使睇重播啦，一定系英格兰赢咗；或者有次唔记得熄facebook messager，有朋友会pm 你问，「点解法国会输……？」所以之後我睇比赛都会熄晒手提所有通知！

讲返比赛时间，如果西甲想就美洲市场其实可以考虑10月30号冬令时间後，直接将比赛推到当地10点先开波，即香港时间凌晨5点（加州下午2点），香港睇完差唔多7点，食个早餐再返工就完美。呢个方法仲可以就埋其他同香港同时区嘅地方，计落西甲都有着数。总好过依家打吡咁，一场大战迁就美洲市场3或4点开波，一场大战迁就亚洲市场10或11点开波，两边都唔讨好，连续几星期都3点，自己球迷都辛苦到想放弃。西甲唔再搞搞佢，真系好难叫其他人睇西甲呢。

旅皇迷一名。喜欢旅行，喜欢足球；享受在场边摇旗呐喊，经历足球的喜怒哀乐。

欢迎浏览球十三fb专页若得到波友一个like就是我们团队的一大鼓舞：