恭喜宾斯马拎到UEFA 年度最佳球员，虽然好多人一早话今季佢会得奖，但我心情同面对星期四台风「马鞍」一样，唔想有觉得会一定赢/打成个上昼嘅心态。特别系金球奖，今年会唔会又有悬念呢？ 好彩UEFA无差错！因为佢真系实至名归，仲以高分胜出！

虽然回顾前几季，外界一直话宾斯马系施丹契仔，全世界当时都唔明点解施丹咁坚持用宾斯马（karim benzema）踢正选，佢仲出口术话法国要用宾斯马，因为呢个球员系法国最佳前锋。施丹呢份坚持同宾斯马自己嘅努力，真系令宾斯马入返法国国家队，仲踢得唔错。

但宾斯马今次得奖时，特别提起嘅人反而系皇马现任教练安察洛堤，话佢系世界上最好嘅教练，希望佢一直执教皇马，施丹闻言唔知会唔会伤心呢？虽然，安察洛堤真心系一个好教练，皇马高中低层都照顾到，非常佩服佢。

另外，佢亦提起前队友基斯坦奴朗拿度，佢再重申c朗帮咗佢好多，但其实佢冇因为c朗走咗改变踢法，佢指出同c朗一齐时，佢喺球队系有另外嘅工作；而c朗嘅离开，令佢知道自己要担大旗入多啲波。「但我依然都系踢紧足球，所唔同嘅系，我入多咗波，数字显示我距离其他皇马传奇球员唔远（其实已经超越鲁尔同迪史提芬奴），令我有信心继续，但问心我觉得要超越c朗拿度嘅数据系冇可能。」c朗喺皇马嘅入球总数为450球，宾斯马现时入球总数为325球。

除咗要孭起成队皇马，同继续踢佢热爱嘅足球外。宾斯马话佢仲有少少愿望，就系想赢世界盃同拎金球奖！金球奖应该系你挂……？但世界盃呢……法国系上届冠军，传统嚟讲应该有分组赛出局魔咒缠身……

借位推广一下，皇家马德里香港官方球迷会 2022-23年度会员招募已经开始