皇家马德里成功夺得欧洲超级盃，教练安察洛堤赛前访问时话今年会努力为6个冠军而战，结果皇马先下一城，其余5冠当然有难度。除咗未有宾斯马後备人选外，相信有一个老问题，球迷今季会再讲千万次——永续KCM？

早排安察洛堤笑称kcm（却奥斯、卡斯米路、摩迪）为百慕达三角，即足球喺佢哋中间会好似啲航机同船喺百慕达三角消失一样。哗！讲到咁厉害……而欧联决赛，安察洛堤的确靠kcm 令大家大跌眼镜！

我认同当佢哋哋休息得够时，系可以好似5月份欧联决赛咁发挥得好好，不过成季咁长咁多战线，真系永远用kcm？而中场接班人唔系冇，上季卡马云加都有唔少上阵机会，但卡马云加年轻，防守方面都有唔少惊险场面，需要好好磨练。而皇马今季引入防中祖亚曼尼，希望都会对轮换有帮助。

超级盃再见到安察洛堤中场正选放kcm，可见佢依然喺重要比赛最信任呢三位中场；三位发挥正常，系摩迪有几下俾人迫抢甩波，但问题不大，卡斯米路更获选为全场最佳球员。到70几分钟，卡马云加入替，相信系安察洛堤知道呢个19岁中场接班人之一仲系质新，需要更多上场时间吸取实战经验。今季希望安察洛堤用kcm 还用kcm，都要顾及佢哋会攰，一攰就跌watt 得非常明显。个人期望安察洛堤可以做到中场新旧交替，完成中场换班呢个历史任务（却奥斯暂时冇同皇马倾续约）。

阵容方面，後防够人但安察洛堤应该要再试一试阵，因为左闸只得文迪，而相信皇马未必会再加添球员。宾斯马嘅中锋位置冇後备球员会系一个隐忧，夏沙特系咪可以踢到假9位置，佢会唔会容易受伤，真系一堆问号……但相信安察洛堤有能力解决。

皇马开季迎来首冠，返屋企时妈妈竟然恭喜我，哈哈，对足球冇兴趣嘅佢都开始识得皇马，心入面有啲兴奋，感染到其他人系一件开心事。希望皇马今年继续有赢波嘅新闻吸引到佢注意，进一步认识皇马。因为身边有一班欣赏同一间球会嘅人系好开心嘅事，亦系我搞球迷会嘅原因。借位卖个广告，皇家马德里香港官方球迷会 2022/23年度会员招募已经开始，有兴趣加入同我哋倾偈睇波踢波嘅皇迷，